Калыкыште ойлат: «Паша айдемым сӧрастара, а ура чонан еҥ кеч-могай пашамат вораҥдара». Мемнан поро йолташна, коллегына, компьютер лингвист Андрей Валерьевич Чемышев таче, сӱрем тылзын кудымшо кечынже шочмо кечыжым палемда.
Тиде кечын Андрейым шуко йолташыже, коллегыже, палымыже да палыдымыжат саламлаш вашкат. Вет, чынже денак, поро чонан Шернур вел пӧръеҥ шочмо марий калыкшылан эре полша: кертмыж семын неле-йӧсым сеҥаш йӧным кычал муэш, шочмо калык нерген нигунамат огеш мондо.  Каласен кодыман, «Кидшер» сайтлан негызым лач Андрей Валерьевич пыштен. Тудын полшымыж дене ме пашам ыштена, те увер-влакым лудыда.
Андрей Чемышев Шернур районын эргыже. Паша корным «Марий Эл Радио»  гыч тӱҥалын. Варажым, Сыктывкар олашке куснен да Коми Республикысе кугыжаныш службо да управлений академий пеленысе инноваций йылме технологий рӱдерын сотрудникше лийын.
Андрей йолташнам сылне пайремже дене эше ик гана шокшын-шокшын саламлена да пеҥгыде тазалыкым, волгыдо да яндар илыш корным,  пиалым, у сеҥымашым тыланена. Тек тыйын чыла поро шонымашет шукталтеш. Андрей Валерьевич, умбакыжат марий калыклан ӱшанле эҥертыш лийын код!

«Кидшер» интернет-журналын коллективше!

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.