«Мый Марий Эл Радиом йӧратем» фотоконкурс

Марий Эл Радио 10 ияш лӱмгечыже лӱмеш черетан конкурсым эртара! 25-ше июль марте «Мый Марий Эл Радиом йӧратем» лӱман фотоконкурс пашам ышта. Конкурсыш кажне кумылан еҥ ушнен кертеш. Фотосӱретыште радион палыже лийшаш (радион эмблемыже, тыглай «Марий Эл Радио» манын возымо, радиоприемник але радиом палдарыше иктаж сӱрет), тыгак фотопашалан оҥай комментарийым возыман. Фотосӱрет-влакым тӱрлӧ компьютер программе дене вашталтылаш лиеш (сӱрет редактор-влакым кучылтмаш). 
Фотосӱрет-влакым радион электрон почтышкыжо (mari_el_radio@mail.ru), вконтактеште серыш дене (vk.com/id245384991) колтыман але радиош конден кодыман. Фотосӱрет дене файл JPG формат дене лийшаш.
Конкурсыш пурышо фотопаша-влак вигак Вконтактеште Марий Эл Радион тӱшкаштыже вераҥдалтыт (http://vk.com/mari_el_radio), а концерт кечын – 1-ше августышто – Йошкар-Оласе «Дружба» стадионын кудвечыштыже посна ойырымо стендыште чыла паша ик вере лиеш.
Эн оҥай фотосӱрет да ойыртемалтше комментарийым колтышылан пӧлек – РАДИОПРИЁМНИК. Кумылаҥдыше пӧлек-шамычат лийыт. Сеҥышым Марий Эл Радион 10 ияш концертыштыже калык ончылно палемдалтеш.
Ушныза! Кажне участник 3 фотосӱретым колтен кертеш! Ешартыш уверым (8362) 63-03-81 номер дене йыҥгыртен йодса але Марий Эл Радион сайтыштыже ончалза: http://mari-el-radio.ru/

Кидшер
Шонымашым ешараш