Жап пеш писын эрта, слётын кумшо кечыжат эртен кайыш. Чонышто поро, куанле шонымаш гына озалана.
Слётын участникше-влак эрденак оҥай квест дене модыныт. Варажым Марий Эл Республикысе тӱвыра, печать да калык-влак паша шотышто министерствын калык-влак да конфессий-влак кокласе кыл пӧлкам вуйлатыше  Игорь Геннадьевичын «Коллектив да айдеме» ойыртемалтше лекцийым лудын.
Лекций деч вара лужа-влак шке программышт почеш семинар занятийыш чумыргеныт. Мутлан, «Еш илыш йӱла» лужа Нина Геннадьевна Айварован «Мужыр – еш негыз» семинар занятийыштыже лийын.
Умбакыже кид-мастар-влакын кружок пашашт эртен. Тыште слётчик-влак пу, шун гыч тӱрлӧ ӱзгар-влакым ыштеныт, тӱрлаш тунемыныт.
Кид-мастар кружок-влакын пашашт эртымек слётын еҥже-влак Звенигово районысо тӱвыра да историй дене кылдалтше верлашке экскурсийыш тарваненыт. Этнокультур комплекслаште, тоштерлаште, оҥай верлаште лиедыме. Чыла тиде Юлышто йӱштылмаш дене мучашлалтын. Ты жапыште  слётчик-влакым Чакмарий селаште шокшо марий монча вучен. Монча деч вара слётчик-влак мемориал оҥа воктене сар нерген историйым каласкаленыт, муреныт, почеламутым лудыныт.
Слётын черетан кечыже «Изи тул» (игечым иктешлымаш) дене мучашлалтын.

Слёт гыч кугу фотоальбом:

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.