PARIS BOOK FAIR (2015) – Европысо книга тӱняште эн вучымо пайрем. Российысе естествознаний академий салонын официальный участникше, тудо ий еда у экспозицийым ямдыла. Тений моло материал дене пырля «Естествознаний Академий» савыктыш пӧртыштӧ лукмо «Научный обозрений» журнал серийым ончыктымо, тиде издательствыште печатлыме моло книган аннотацийжым пуымо. Нунын радамыште МарГУ-н доцентше Р.П. Четкареван Марий калыкын экологий да шкем кучымо йӱлаже» туныктымо программыжат уло. Тудо «Прикладной да фундаментальный шымлымаш тӱнямбал журналын» 2014 ийысе кумшо номерешыже савыкталтын.
Пытартыш жапыште мланде шарысе калык йырым-йырысе средам арален кодымо корным кычалеш. Пӱртӱсын «иммунный вийже» ий еда изем толеш. Сандене у тукымын ончыкылыкшо верч шоныман. Тӱнясе калыклан инноваций технологийым вияҥдыме дене пырля самырык-влакын нравственностьшо верч утларак тургыжланыман.
Программын авторжо глобализаций, экосистеме вияҥме закономерность, тидын шумлык регионлаште вашлиялтше проблеме-влак нерген шонкала. Шанчыеҥ шке пашаштыже тӱнямбал кӱкшытыштӧ ончымаште изи чотан марий калыкын илыш ойыртемже дене палдара. Молан манаш гын, мемнан калак пӱртӱс дене гармонийыште улмыж дене ойыртемалтеш.
Р.П. Четкарева йырым-йырысе средам арален кодымаште марий калыкын ойӧрӧжын (табу), йӱлажын рольжо нерген каласкала.
Туныктымо программын авторжылан Парижысе книга салонын сертификатшым да шӧртньӧ медальжым кучыктымо.

Леонид Гимаев ямдылен.

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.