«Марий Эл Радио» 10 ияш лӱмгечыжым кумдан палемдаш тӱҥалеш. 1-ше августышто концерт деч ончыч йоча-влакланат, кугыеҥ-влакланат посна площадке-влак пашам ышташ тӱҥалыт.
«Кумылан-влак гармонь сем почеш пырля муралтен-кушталтен кертыт, Марий Эл Радион пайрем ӱстелышкыжат ушнаш ӱжына. Йоча-влаклан гын аквагримм, асфальтыште сӱретлыме конкурс, тыгак тӱрлӧ аттракцион оҥай лийшаш улыт», – палдара радион пашаеҥже Марина Глушкова. 
Радион шочмо кечыже лӱмеш «Марий Эл» лӱман куржталаш йӧратыше-влакын клубышт куржталмашке лектеш, да 10 ияш пайрем лӱмеш 10 меҥге кужытыш куржталме пробегым пӧлекла. Тудо «Дружба» стадионыштак эртаралтеш. Каласен кодыман, «Марий Эл Радион» 10 ияш лӱмгече пайремышкыже кугу уна-влакат ушнат.
Пайрем программе тыгайрак: 14 шагатлан – «Дружба» стадионыш калыкым пурташ тӱҥалыт.
14 шагатат 30 минут – Фольклор, йоча площадке-влак, аттракцион пашаштым тӱҥалыт.
15 шагатлан – «Дружба» стадионышто «Марий Эл» куржталаш йӧратыше-влакын клубышт 10 км. куржыт.
16 шагатат 15 минутлан – саламлымаш блок тӱҥалеш. Радион эртарыме конкурслаштыже сеҥыше-влакым палемдат.
17 шагатлан – «Марий Эл Радион» КУГУ концертше тӱҥалеш.

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.