-18 C
Йошкар-Ола

Самырык-влак «Кравец» форумыш чумыргат

Шукерте огыл Звенигово районысо Чакмарий школышто Россий кӱкшытан VII марий самырык тукым слёт эртен кайыш. А Курыкмарий кундемыште гын, 20 гыч 24 июль марте кокымшо гана тӱвыра-историй «Кравец» форум эрташ тӱҥалеш.
Организатор-влакын палемдымышт почеш, ты ийын форум Сылнымут идалыклан пӧлеклалтеш. Санденак, форумыш сылнымут, сымыктыш, театр ден журналистикылан шӱмаҥше ӱдыр-рвезе-влакым чумыраш тыршыме. Форумыш 70 наре самырык ӱдыр-рвезе-влакым чыла гаяк районла да пошкудо Чуваш да Угарман кундем гыч толшаш улыт.
Ныл кече жапыште самырык-влаклан оҥай да шкешотан журналист, тӱвыра да сымыктыш пашаеҥ, сӱретче, скульптор-влак дене мастер-класс ден вашлиймаш-влак эрташ тӱҥалыт.
Форумым «МИГ» («Самырык инициативе тӱшка») Российысе Калык Фронтын Марий Эл Республикысе кыдежын (отделений) полшымыж дене эртара.
Форумын учредительже – Марий Эл Республикысе тӱвыра, печать да калык-влакын пашашт шотышто министерстве, Марий Эл Республикысе туныктыш да шанче министерстве, Курык марий районын администрацийже.
Ушештарем, форум кокымшо гана эрта. Кодшо ийын, самырык-влак шке пашаштым амалкалче да ялозанлык теме почеш виктареныт ыле.

Читайте также

ОСТАВЬТЕ ОТВЕТ

Пожалуйста, введите ваш комментарий!
пожалуйста, введите ваше имя здесь

Лимит времени истёк. Пожалуйста, перезагрузите CAPTCHA.

Увер йогын

Кызыт лудыт