Ялысе тӱвырам нӧлтымо шотышто конференций чумырга

Кажне ийын ялысе тӱвырам нӧлтымӧ шонымаш дене Российысе Тӱвыра министерстве всероссийский конференцийым эртара.
Тений ты конференций 31 июль-1 августышто Марий Элыште эрта. Конференцийыш Россий министерствын, кугыжаныш, регионысо, муниципал орган-влакым вуйлатыше ден специалист-влак чумыргат. Нунын деке ял шотан илемлаште тӱвыра аланыште, туризм отрасльыште тыршыше да шке пашам вораҥдарыше-влак ушнат. Тачысе кечылан 30 регион гыч 80 наре йодмаш пурен.
Конференцийын программыштыже ялысе тӱвырам, калык усталыкым, Российыште ялысе туризмым, вияҥден колтымо, тыгак закон ден норматив обеспеченийым саемдаш кӱлмӧ йодышым каҥашаш тӱҥалыт.
Пленар погынымаш, «йыргешке ӱстел-влак» Йошкар-Олаште, Козьмодемьянскыште эртат гын, конференцийын практикысе ужашыштыже уна-влаклан Оршанке, Медведево районлан ялысе туризмын вияҥме оптышо дене палдараш тӱҥалыт.

Кидшер
Шонымашым ешараш