Курыкмарий кундемыште самырык-влаклан «КРАВЕЦ» форум пашам ышта. Участник-влаклан оҥай да шкешотан журналист, тӱвыра да сымыктыш пашаеҥ, сӱретче, скульптор-влак дене мастер-класс ден вашлиймаш-влак эртат.
Форумын ик кечынже участник-влак СМИ-ште тыршыше пашаеҥ-влак дене вашлийыныт.
«Кидшер» интернет-журналын тӱҥ редакторжо, блоггер Николай Любимов сайтын шочмыжо, пашаже, кӱлешлыкше нерген палдарен. Вара «Марий Эл» кугыжаныш теле да радио компанийын пашаеҥже, «Кидшер» интернет-журналын редакторжо Алёна Иванова телевиденийын пашаже нерген каласкален, фильмже-влакым ончыктен.
Уна-влаклан форумын директоржо Алексей Мишаков тау мутым каласен да «Самырык инициативе тӱшкан» («МИГ») таумутшым кучыктен.
Форумын пашаж нерген лишыл жапыште сайтыштына лудын кертыда.

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.