«Кравец» эртен гынат, поро шижмаш мероприятий-влак деч тачат кодын», — лач тыге ойла тиде форумын участницыже Надежда Ильина. Ушештарем, форум Курыкмарий кундемысе Эмӓнсола школ пелен, 20 гыч 24 июль марте эртен.
«Кравец» форум мыланем пеш келшен, шарнымашеш кодын. Тушко тӱрлӧ регионла гыч кугурак класслаште тунемше-влак чумыргеныт: Чуваший, Татарстан, Марий Эл. Кажне кечын оҥай деч оҥай лекций-влак лийыныт. Форумлан кӧра, Курык марий калыкын историйжым сайрак пален налынам. Тыгак Игорь Геннадьевич Садовинын эртарыме тренингше-влак пеш келшеныт. Мастер-класс-влакат лийыныт: кӱсле ден шокташ тунемынна, шун гыч кӧршӧкым ыштенна, тӱрым тӱрленна да моло оҥай пашалан тунемынна. Тыгак мемнан деке унала Курык марий театр толын ыле. Нуно шке пашашт дене палдарышт да спектакльым ончыктышт. М. Шкетанын произведений-влак негызеш, инсценировкым шынденна. Тидым ышташ М. Шкетан лӱмеш драм театрын аристше-влак Марина Почтенева да Сергей Данилов полшеныт. Икманаш, мыланем чылажат келшен. Мемнан лужана «Акпарсын наследникше-влак» лӱмым нумалын. Мый эн сай лужаш логалынам, очыни.
Мыйын шонымаште тыгай форумым кажне ийын эртарыман. Вет тыгай сынан мероприятий-влак шуко у йолташым муаш, илышлан тунемаш да шуаралташ полшат», — паладарыш Надежда.
«КРАВЕЦ» форумын унаже — «Кидшер» интернет-журнал… Ончаш »
Самырык-влак «Кравец» форумыш чумыргат Ончаш »
«КРАВЕЦ» самырык тукымым чумырен! Ончаш »
Савыкташ Елена Рублёва ямдылен