«Ший кандыра – 2015» уна-влакым ӱжеш

Тений эрвел марий-влакын куштымашыштым чапландарыше «Ший кандыра — 2015» виш (открытый) калык куштымаш фестиваль конкурсшо 15-ше августышто Калтаса селасе Сабантуй пасушто лиеш.
Фестиваль вич ий эртаралтеш. Кажне ийын фестиваль кушкеш, шуко марий-влакым иквереш чумыра. Фестивальыш Марий Эл, Пошкырт, Одо, Свердловск вел гыч ансамбль-влак толшаш улыт. Нуно унагудо-влакым вераҥдат, шке ойыртемалтше йӱлашт, тӱвырашт нерген палдарат. Мучашлан чыланат «кандырам» «пидыт». Мероприятий гыч кумданрак уверым лишыл жапыште сайтыштына ончыза.

Йолташ-влаклан палдараш
Кидшер
Шонымашым ешараш