Тений сентябрь тӱҥалтышыште Венгрийысе Балатон ер воктене верланыше Бадачонь олаште Финн-угор писатель-влакын XIII тӱнямбал конгрессышт эрташ тӱҥалеш.
Погыныш чумыргышо сылнымутчо-влак финн-угор драматургийым лончылаш тӱҥалыт.  Марий Эл гычат лу еҥан делегаций кайышаш.
Ушештарем, пытартыш гана тыгай форум 2013 ий ноябрьыште Салехард олаште эртен. Тунамак АФУП-ын (Финн-угор писатель-влакын ассоциацийышт) у председательым, Оулу университетын профессоржо Кари Салламаам сайленыт.  Варажым, тудым Сомбатхей оласе университетын профессоржо Янош Пустаи алмаштен.

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.