Россий кӱкшытыштӧ эртыше самырык-влакын  «Таврида» форумын черетан сменыже 27 август гыч 2 сентябрь марте эрташ тӱҥалеш.
«Россий верч» Калык фронт» общероссийский мер толкын тиде форумыш Марий Эл гыч «Кидшер» интернет-журналын тӱҥ редакторжо Николай Любимовым, тиде журналынак курыкмарий йылме дене вещанийын редакторжо Ольга Кузьмина да «Маяк» радион журналистше Елена Березинам пеҥгыдемденыт. 
Форум Крым Республикысе Бакальская косаште эрта. «Таврида» форум чылаже 4,5 тӱжем талантан, чолга ӱдыр-рвезе-влакым чумыра. Форумын участникше-влакым поян тӱвыра программе: палыме журналист, блоггер, элнан ончылъеҥже-влак дене вашлиймаш, форсайт-сессий, таҥасымаш, модмаш, концерт вуча.
Форум гыч кумданрак уверым сайтыштына эскерыза.

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.