Марий талешке кечылан пӧлеклалтше мероприятий-влак (2014 ий)

2014 ийыште Марий Талешке кечылан пӧлеклалтше могай мероприятий да кушто эртаралтеш? Тышке теат шке мероприятийдам ешарен кертыда. Мо тендан дене лиеш Талешке кечылан — палдарыза молымат!
1. 25 апрельыште 10 шагатлан Республикысе «Ший Талешке» фестиваль.
Эртарыме вер: Марий кугыжаныш университет (актовый зал, 1-ше №-ан тунемме корпус – пединститутын корпусшо: Йошкар-Ола, Кремлёвский урем, 44-ше пӧрт.
Организатор-влак: Республикысе марий тӱвыра рӱдер; тудлан полшат: Марий Эл тӱвыра, печать да калык-влакын пашашт шотышто министерстве, Туныктыш да шанче министерстве, Финн-угор университет-влакын студент да аспирант-влакыштын ассоциацийышт да Марий кугыжаныш университет.
2. 25 апрельыште 12 шагатлан «Тачысе кечын геройжо» теме дене ӱчашклуб .
Эртарыме вер: Марий кугыжаныш университет (актовый зал, 1ше №-ан тунемме корпус – пединститутын корпусшо: Йошкар-Ола, Кремлёвский урем, 44-ше пӧрт.
Организатор-влак: Республикысе марий тӱвыра рӱдер; Финн-угор университет-влакын студент да аспирант-влакыштын ассоциацийышт да Марий кугыжаныш университет, «ВийАр» мер ушем. 
3. 25 апрельыште кастене Марий талешке-влакын памятникыштым, чап оҥаштым йытырайымаш.

Эртарыме вер: Марий Эл мучко чап оҥа, памятник-влак воктене.
Организатор-влак: Чыла мер организаций-влак, тӱвыра тӧнеж-влак.
4. 25 апрельыште кечывал деч вара Мамич Бердейлан вуйсавымаш.
Эртарыме вер: Оршанке район.
Организатор-влак: Мер Каҥаш, верысе мер ушем-влак.
5. 26 апрельыште 8 шагатлан «Шарнымаш сорта» акций.
Эртарыме вер: Марий Эл мучко чап оҥа, памятник-влак воктене.
Организатор-влак: Мер Каҥаш, чыла мер организаций-влак, тӱвыра тӧнеж-влак.
6. 26 апрель 13 шагатлан Марий Элын калык артисткыже Мария Митрофановалан шарнымаш оҥам почмаш.
Эртарыме вер: Йошкар-Ола, Первомай ур.
Организатор-влак: М.Шкетан лӱмеш Марий кугыжаныш драме театр, Мер Каҥаш, мер организаций-влак.
7. 26 апрельыште 18 шагатлан Сылнымут флешмоб.
Эртарыме вер: Марий Эл Республикысе чап оҥа, памятник-влак воктене да калык коштмо моло верлаште.
Организатор-влак: «ВийАр» мер ушем, Мер Каҥашын самырык «шулдыржо».
8. 26 апрельыште «Марийцы Пермского края» книга презентаций.
Эртарыме вер: Пермь олаште.
Организатор-влак: Пермь кундемысе чолга еҥ-влак.
9. 29 апрельыште 17 шагатлан «Мый марла ойлем» акций.
Эртарыме вер: Йошкар-Ола,Чарла Кремль.
Организатор-влак: Республикысе Марий тӱвыра рӱдер Марий Элысе Тӱвыра, печать да калык-влакын пашашт шотышто министерстве полшымо дене, «ВийАр» мер ушем, «Чарласе Кремль» тӱвыра да историй комплекс, Республикысе Самырык-влакын Правительствышт – калык-влак кокласе кылым вияҥдыме шотышто группо, РФ-се Финн-угор университет-влакын студент ден аспирантыштын ассоциацийышт, Республикысе И.С.Палантай лӱмеш тӱвыра да сымыктыш колледж.
10. 5 майыште 14 шагатлан «Чон оҥгыр» фольклор ансамбльын пайрем концертше.
Эртарыме вер: Ветеран пӧрт – Йошкар-Ола.
Организатор-влак: Республикысе марий тӱвыра рӱдер.
11. 9 майыште 17 шагатлан «Марий кас».
Эртарыме вер: Йошкар-Ола, Чарла Кремль.
Организатор-влак: Республикысе марий тӱвыра рӱдер, «Чарласе Кремль» тӱвыра да историй комплекс.
«Шарнымаш сорта» акций годым Йошкар-Оласе талешке-влакын памятникышт воктеке Мер Каҥашын да марий активын еҥже-влак мият: С.Г.Чавайнын памятникше деке – А.Н.Иванов да Морко кундем землячествын еҥже-влак;
Я.П.Майоров-Шкетанын деке – Ю.П.Русанов да Марий кугыжаныш драме театрын пашаеҥже-влак;
Й.Кырлян деке – В.А.Мочаев да Шернур кундем землячествын еҥже-влак;
И.С.Палантайын деке – В.П.Григорьев да Провой кундем землячествын еҥже-влак.
Йошкар – Оласе талешке-влакын шарнымаш оҥашт дене Мер Каҥашын да марий активын еҥже-влак сортам чӱктат:
Кугу сарын Геройжо-влакын оҥашт дене – чылалан (кӧ кертеш);
В.Д.Бурлаковын – Ю.П.Русанов да драме театрын пашаеҥже-влак;
Т.Е.Евсеевын – А.В.Муравьёв да музей пашаеҥже-влак;
А.Д.Кедрован – И.А.Степанова да «Саскавий» ушемын еҥже-влак;
С.Н.Николаевын – С.Д.Архипова да Совет кундем землячествын еҥже-влак;
Н.Ф.Рыбаковын – Э.В.Александров да Юлсер кундем землячествын еҥже-влак.
Верлаште ты пашам мервуй-влак ямдылат да эртарен колтат.

Материалым «Арслан» этокультурный интернет-журнал гыч налме.

Кидшер
Шонымашым ешараш