М.Шкетан лӱмеш театр 96 тургымым тӱҥалеш

М.Шкетан лӱмеш Марий кугыжаныш драме театр 8 октябрьыште шке 96-шо тургымжым почеш. Театрын коллективше у сынан «Салика» спектакльым ончаш темла.
Тений М. Шкетан лӱмеш  Марий кугыжаныш драме театрын коллективышкыже 14 самырык артист ушнен. Нуно Москосо Щепкин лӱмеш Кӱшыл театральный училищым тунем пытареныт. 
«Салика» спектакльыште тӱҥ рольым самырык актер-шамычлан ӱшаныме: Салика — арт. Марина Воронцова, Эчук- арт. Игорь Антропов, Чопай — арт. Андрей Яруков, Марина — арт. Светлана Александрова. Спектакльым скрипке ден баян сӧрастараш тӱҥалыт. Билетым налын шуктенда огыл гын, кумылда ынже воло — тиде спектакльым 29 ноябрьыште 15 шагатлан ончаш эше ик гана йӧн лиеш.

Кидшер
Шонымашым ешараш