Тылзе ончыч Крым республикыште «Таврида» форум мучашлалтын. Форум  жапыште кандаш смене пашам ыштен. Тышке актёр, режиссёр, критик, музыкант, сылнымутчо-влак ушненыт гын, пытартышлан журналист-влак погыненыт. Чылажге форум 4,5 тӱжем еҥым чумырген. Пытартыш сменышке Марий Эл гыч «Кидшер» интернет-журналын тӱҥ редакторжо Николай Любимов,  тиде журналынак курыкмарий йылме дене вещанийын редакторжо Ольга Кузьмина да «Маяк» радион журналистше Елена Березина лийына. 
Молан кызыт гына тиде форум нерген возем? Весела пагытым, оҥай еҥ-влакым шарналтынем. Тидын гоч угыч эртынем, тыландат каласкалынем.
25 августышто Йошкар-Оласе кӱртньыгорно вокзал гыч кужу корнышкына лектынна. А эрлашыжым Российын рӱдолаштыже – Москошто лийынна.
Икымше гана Моско олаште лийынам. Калык тич, а метрош пурышна гын, калык лым лийде. Кажныже шке сомылжо, пашаж дене вашка.
Чемодан-влакым аралымаш камерыш пыштен, Моско олам ончаш тарванышна. Йошкар площадьыш, Ленин кочай деке миен-коштна. Тусо кевытлашкат пурен-лекна. Сумка 30 000 теҥге шогымым ужмек кевыт гыч лектын куржмет веле шуэш. Ме гын, шийвундым аныклаш манын, кӱлешан шулдырак акан кафем садиктак муынна. Кечывал кочкышым 130 теҥгелан ыштенна. Варажым паркыште коштна. Кастене «Шереметьево» аэропортышко тарванышна. Лач тушечын йӱдым Крымышке каенна.
Крым мемнам кузе вашлийын? Мемнам мо ӧрыктарен? Тидын нерген вес гана возем.

Таврида, Крым, Москошто

 «Россий. Крым. Таврида.» цикл… Лудаш »

Николай Любимов,
«Таврида» форумын участникше

2 ВАШМУТ-ВЛАК

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.