-22 C
Йошкар-Ола

МарГУ-што – Росаккредагентствын семинарже

Эртыше кечылаште Марий кугыжаныш университетыште Росаккредагентствын семинарже эртен.
Тушко аккредитацийым эртыше эксперт-влак погыненыт. Тудын темыже «Образовательный организацийын официальный сайтыштыже вераҥдыме увер-влакым кучылтын, кугыжаныш аккредитацийын у модельжым шыҥдарымаш». Каласыман, МарГУ негызеш тыгай семинар кок ий почела эрта. Тудым Росаккредагентствын директоржо Лемка Измайлова ден агентствын Йошкар-Оласе филиалжым вуйлатыше, МарГУ-н доцентше Михаил Петропавловский вӱденыт.
Семинарышке кӱшыл да кыдалаш тунемме тӧнежла гыч 70 утла еҥ толын. Чылаже 22 ола гыч. Тиде – Москва, Санкт-Петербург, Озаҥ, Ижевск, Чебоксар, Киров, Самара, Кострома, Уфа, Ульяновск, Угарман, Оренбург, Саратов, Пермь да молат.
Тӱҥалтыште семинарыш толшо-влакым МарГУ-н ректоржо Михаил Швецов саламлен да вузын вияҥме актуальный направлений-влак нерген каласкален.
Росаккредагентствын Йошкар-Оласе филиалжым вуйлатыше Михаил Петропавловский тӱҥ докладым ыштен. Тудын темыже «Образовательный организаций-влакын официальный сайтыштын содержаний ден структурышт палемдыме требованийлан келшен толмо шотышто шымлымашын лектышыже».
Таче эксперт-влаклан компьютер класслаште практический занятийлам эртарыме. Тыгак «йыргешке ӱстелым» погымо Тудын темыже – «Туныктымо программе-влаклан экспертизым эртарыме годым образовательный организаций-влакын официальный сайтыштышт вераҥдыме уверым кучылтмаш».

МарГУ

Леонид Гимаев

Читайте также

ОСТАВЬТЕ ОТВЕТ

Пожалуйста, введите ваш комментарий!
пожалуйста, введите ваше имя здесь

Лимит времени истёк. Пожалуйста, перезагрузите CAPTCHA.

Увер йогын

Кызыт лудыт