Кайыкла чоҥештенна… | «Таврида» форумыш корно

Моско олам ончен  коштмек, «Шереметьево» аэропортыш тарванышна. Лач тышечын йӱдым Крымышке каенна.
Аэропортышто икмыняр шагатым вучашна перныш. Амалже – ондак толынна. Шинчен-шинчен кочметат, йӱметат шуэш. Сандене аэропортышто верланыше барыш кочкаш кайышна. Аэропортышто улшо ак-влак ӧрыктарат. Мутлан, 0,5 кленча вӱд 100 теҥгем шога, ме тидым шижмыла Москоштак йӱаш налынна.
Икмыняр жагат вучымек,  регистраций, варажым, посадке тӱҥале. Самолётыш логалме деч ончыч ятыр тергыме системым эртыш логале…
…Самолётышто шинчена. Мом шонашат ом пале: икымше гана самолёт дене чоҥештем. Чот лӱдам. Кид копамат пӱжалтын. Борт проводник-влак инструктажым – шкендым тӱрлӧ ситуацийыште кузе кучымым умылтарышт. Самолёт чоҥештен кӱзымӧ корныш пурен шогале. Командир ойла: «Пагалыме пассажир-влак, мемнан самолётна, чоҥешташ ямде. Чоҥештыме жапда сайын эртыже». Нине мут-влак деч вара самолёт «вийым погаш» тӱҥале. Чылажат чытырна веле. Ындыжым машина дечат талын каена. Мланде деч утлен каймла кавашке кӱзышна. Мыйым умылтараш лийдыме шижмаш авалтен. Пеш куаненам. Мый кайыкла чоҥештыше самолётышто шинчем… Ӱлыкӧ ончаламат, омат пале мом шоналташ. Моско тул дене волгалтеш, чылажат мотор. (Кызыт чылажымат шинчам кумен, шарналтем) Шинчен-шинчен маленат колтенам…
Пылыш керме амал дене помыжалтым. Воктен шинчыше чуваш коллеге чылажымат умылтарыш: самолётна посадыш кая, ӱлыкӧ волена, да мыйын пылышем кераш тӱҥалын улмаш…
…Аэропортышто чемодан-влакым налмек, автобусыш шична. Шем теҥыз воктек тарванышна…
…Миен-шумек волонтёр-влак вашлийыч. Вара полиций пашаеҥ-влак адак мемнан сумканам тергышт. Волонтёр-влак илыме вернам ончыктышт. Тевыс тыге ме Крымыш толынна.
Крымыште мемнам мо ӧрыктарен? Мом ме тушто ыштенна? Тидым вес гана возем.

 «Россий. Крым. Таврида.» цикл… Лудаш »

Николай Любимов,
«Таврида» форумын участникше

Кидшер
Шонымашым ешараш