«Таврида» форум жапыште палыме журналист, блоггер, элнан ончылъеҥже-влак дене вашлиймаш, форсайт-сессий, таҥасымаш, модмаш-влак эртеныт. Шуко, кӱлешан шинчымашым, паша опытым налынна. Чылажым возенат от пытаре.
А «Таврида» форумыше марий шӱлыш, марий еҥын кышаже уло мо? Уло. Форум эртыме кумдыкышто лӱмлӧ музыкант, шымлызе, спортсмен, сымыктыш да тӱвыра аланыш кугу надырым пыштыше еҥ-влаклан пӧлеклалтше банер-влак лийыныт. Икымше кечынак, «Акпатыр» лӱман икымше марий оперым возышо, Эрик Никитич Сапаевлан пӧлеклалтше банерым ужынна.  Тиде кугу кугешнымашым луктеш. Вет чынжымак марий еҥат элнан ончыкылыкшылан изи огыл надырым пыштен.
Жап эртен – форум мучашке лишемын. Ты верым коден каймат шуын огыл, но мемнам Йошкар-Ола, тунеммашна да йӧратыме пашана вучен. Кызыт форум гыч фото-влакым ончен сылне жапым шарналтена.

 «Россий. Крым. Таврида.» цикл… Лудаш »

Николай Любимов,
«Таврида» форумын участникше

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.