Эх, «Каче-влак»!

М.Шкетан лӱмеш Марий кугыжаныш драме театр 2 апрельыште 15 шагатлан «Каче-влак» комедийым ончаш ӱжеш.
Кумдан палыме марий драматург Арсий Волков тиде комедийжым нылле ий чоло ондак возен. Икымше гана спектакльым 1967 ийыште шындыме.
Тачысе кечын театрыште «Каче-влак» комедийым ончышо еҥлан тунамсе жап, колхозышто соцтаҥасымаш эртыме йӧршынат оҥайла огыт чуч, туге гынат режиссёр Алексей Ямаев нылле ий ондаксе герой-влакын койыш-шоктышышт, пашам ыштымышт, куанышт да тургыжланымашышт гоч тачысе кечын сайже ден нелылыкшым почын да рашемден кертын. 
Кок йолташ – Осяндр ден Тимошка – чон йодмыж да направлений почеш фельдшерлан пашам ышташ толшо самырык ӱдырым йӧратен шында. Кок йӧратыше чон коклаште кумшо уто, но кок йолташ коклаште шкешотан йӧратымаш таҥасымаш кая. Самырык ӱдырым шке велке сымыстарышашлан кок самырык еҥ тӱрлыжымат шонен луктеш… Варажым содыки рашемеш: Людмила шукертак марлан кайыше улмаш.

Тыгак лудса

ОСТАВЬТЕ ОТВЕТ

Пожалуйста, введите ваш комментарий!
пожалуйста, введите ваше имя здесь

Лимит времени истёк. Пожалуйста, перезагрузите CAPTCHA.

spot_img

Увер йогын

Кызыт лудыт