0 C
Йошкар-Ола

Эстон посольство гыч уна

Эртыше арнян, МарГУ-што Москвасе Эстон посольствын Кокымшо секретарьже Регина Паланди-Паю дене вашлиймаш эртен. Тушто вузын ректоржо М.Н. Швецов, Марий Элысе тӱвыра, печать да калык-влакын пашашт шотышто министрын алмаштышыже Г.С. Ширяева, университетыште тӱнямбал кыл пӧлкам вуйлатыше Н.Н. Канашина, Калык культур да тӱвыра кокласе кыл институтын директоржо Р.И. Чузаев, туныктышо да шанче пашаеҥ-влак лийыныт.
Вашлиймашке погынышо-влакым МарГУ-н ректоржо М.Н. Швецов саламлен, Финн-угор университет-влакын ассоциацийышкышт пурышо вузла да финн-угор эл-влак кокласе кыл нерген каласкален, ончыко ыштышаш паша радам дене палдарен.
Госпожа Р. Паланди-Паю эстон сылнымут мастар Вийви Луйкын «Шӹмшӹ тыр шошым» («Седьмая мирная весна») романжым пеленже конден. Тудым шукерте огыл курыкмарлаш Виталий Аликов кусарен.
Вашмутланымаште тыгак Марий кугыжаныш университет да Эстонийысе вуз-влак кокласе кылым умбакыже пеҥгыдемдыме шотышто каҥашыме. Вашлиймашым студенке-влак Мария Тимиряева ден Валентина Петрован сылне мурышт дене сӧрастареныт.

Леонид Гимаев

Читайте также

ОСТАВЬТЕ ОТВЕТ

Пожалуйста, введите ваш комментарий!
пожалуйста, введите ваше имя здесь

Лимит времени истёк. Пожалуйста, перезагрузите CAPTCHA.

Увер йогын

Кызыт лудыт