Октябрь кыдалне Марий кугыжаныш университетын «Воскресение» студент поисковый отрядше Саранскыште тыгаяк отряд-влакын окружной слётыштышт Марий Элын чапшым арален. Погын кум кече шуйнен. 1941-1945-ийлаште сарысе да пашасе подвиглан пӧлеклыме Мемориал музейыште конкурсный да образовательный мероприятий-влак эртеныт. Погынышо делегат-влак сарзе-исторический викториныште вийышытым тергеныт, саркурал, сарзе археологий, топографий, архив-кычалме паша шотышто тестированийым эртеныт. МарГУ-н командыже шагал еҥан лийын гынат, кум номинацийыште призан верым сеҥен налын.
Окружной слетым Н.П. Огарев лӱмеш Мордва кугыжаныш университетын сценыштыже торжественно мучашленыт. 18 номинаций дене эртарыме 9 конкурсышто 54 сеҥышым палемдыме. Нунылан РФ Президентын Юл кундем федерал округысо полномочный представительже Михаил Бабичын дипломжым да шергакан пºлекым кучыктымо.
Леонид Гимаев