М. Шкетан лӱмеш Марий кугыжаныш драме театр ончышыжо-влаклан у услугым темла – 2 еҥлан ик тылзаш абонемент.
«Пеш чӱчкыдын, иктаж-могай пайрем лишемме вашеш унала кайыше айдемын вуйыштыжо эре ик йодыш пӧрдеш: «Мом пӧлеклаш? Пайрем озам мо дене куандараш?» Шкетан театр оҥай пӧлекым кучыкташ темла – 2 еҥлан ик тылзаш абонемент. Тудын дене тылзе жапыште репертуарыште улшо кеч-могай спектакль ден концертышке пураш лиеш. Тиде пӧлек родо-тукымдан, лишыл еҥдан але йолташдан кумылжым савырен мошта манын ӱшанен кодына», – палдара театрын директорын зритель дене пашам ыштыме шотышто алмаштышыже Надежда Мамаева.
Тиде шкешотан пӧлекым театрын кассыштыже але администратор-влак деч налаш лиеш. Акше – 1 тӱжем теҥге. Лекше йодышым 45-16-04, 78-13-78 телефон дене рашемден кертыда.

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.