«Мый тыйым йӧратем, Россий!» Всероссийский авторский муро конкурсын финалистше-влак палыме лийыныт. Тиде таҥӱчашымашым Самырык-влакын пашашт шотышто федерал агентстве ден Росмолодежын «Роспатриотцентрже» эртареныт. Конкурсын жюришкыже эн талантан, музык дене таҥлалтше самырык автор-шамыч деч 300 утла йодмаш пурен. Чыла конкурсантым колышт лекмеке, финалыш 10 мурым ойырен налме.  Нунын радамыш МарГУ гыч «Университет» группын йоҥгалтарыме «Йошкар-Ола» муро пурен. Ынде ӱдыр-рвезе-влакым декабрь тылзыште Москваште очный этап да финальный концерт вучат.
Палемдыман, тиде 5 еҥан сем группо Марий кугыжаныш университетыште тений июньышто шочын. Тушко студент ден выпускник-сотрудник-шамыч: Константин Нилов, Татьяна Шашкова, Юлия Головина, Юлия Батыршина, Егор Афоньшин – коштыт.
Ме нунылан финалыште у сеҥымашым тыланена!

Леонид Гимаев

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.