М. Шкетан лӱмеш Марий кугыжаныш драме театр 30 октябрьыште М. Шкетан пьесыж пьесыж почеш шындыме «Ачийжат-авийжат…» драмым ончаш ӱжеш.
Икымше гана «Ачийжат-авийжат…» спектакльым 1923 ийыште М.Шкетан шкеже шынден. Тиддеч вара спектакль дек ятыр гана пöртылыныт. Кызытсе, кудымшо гана шындыме спектакль, М.Шкетанын 110 ияш лÿмгечыжлан пöлеклалын.М.Шкетан – кумдан палыме серызе – тÿрлö жанр дене пашам ыштен, прозо гыч тÿҥалын публицистика марте. «Ачийжат-авийжат…» пьесе драматургын кугу да кÿкшö усталыкшым почын ончыкта.
Драмыште марий ешысе кÿэмалтше йÿла самырык-влакын илыш ончалтышышт дене келшен огеш тол. Тыгерак  шочеш. Кок могырыштыжат – шке илыш радамыштлан пеҥгыдын ÿшаныше, шке илыш чыныштым пагалыше еҥ-влак. Иктышт шке торжалыкыштым «закон» дене келшен толшылан шотлат, весышт – тыгай «законын» шояжым тÿжвак лукташ тöчат. Чыланат икте-весышт ваштареш илаш-колаш шогалыт. Ача-ава шке йочаштым карга, иза ден шольо ваш-ваш кÿзö-товар кержалтыт…
Спектакль 16 шагатлан тӱҥалеш.

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.