Тиде школ предмет деке йоча-влакым утларак кумылаҥдаш манын, у книгам МарГУ-н туныктышыжо Андрей Рычков луктын. Тудо шкеже йот йылме-влак факультетын ик кафедрыштыже пашам ышта, филологий нако кандидат. У книга 5-7 ияш йоча-влаклан пӧлеклалтын. Тушко математике дене кумылым савырыше, оҥай заданий-влакым пуыртымо, икшыве-влакым «ушаш» да «кудалташ» туныкта. Ойлымаш текст-влакым иканаште кум йылме дене пуымо: рушла, олыкмарла да англичанла. Адакшым кажныжым сӱрет дене сӧрастарыме, йоча-влак нуным шке моштымышт дене чиялтен кертыт.
Мо дене эше тиде книга пайдале? Авторын мутшо почеш, «кум йылме дене возымо текст-влакым таҥастарен, «изи шымлызе» сылнымутын секретшым пален налеш, тӱрлӧ йылме дене кутырышо еҥ-влакым пагалаш тӱҥалеш, вес йылме-влакым тунемаш кумылжо лектеш».
У книга ача-ава, йоча садысе воспитатель, тӱҥалтыш класслаште туныктышо-влаклан моткоч пайдале лиеш.

Леонид Гимаев

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.