Марий кугыжаныш универститетысе «Милосердий» студент педотрядше Юл кундемысе федерал округышто эн сай кум педагогический отряд радамыш пура. Школышто шыже каныш жапыште МарГУ гыч ончыкылык педагог ден психологшо-влак А.Марчук, П.Николаева, Д.Никифоров, А.Петрова «Артек» йоча тазалык лагерьыште вожатыйлан ыштеныт. Смене 3 гыч 9 ноябрь йотке шуйнен.Нуно йоча-влакым спорт, тӱрлӧ модыш, творчество деке кумылаҥденыт, теҥыз воктеке прогулкыш коштыныт. Тунемше-влаклан оҥай да поян программым темлыме. Эн ончычак лагерьыште сайлымаш эртен – тудын президентшым ойыреныт: ятырын шке кандидатурыштым темленыт да программышт дене палдареныт. Тыгак 4 ноябрьыште Калыкын икоян кечыже пайремым кумдан палемденыт. Эрденсе линейке годым театр представлений лийын – йоча-влак ончыко гражданин К.Минин ден князь Д.Пожарский лектыныт. Нуно XVII курымышто Россий мландым тушман-влак деч арален коденыт, чын патриот улыт.
Вара пляжыште элысе тӱрлӧ калыкын модышыж дене модыныт, «Битва хоров» – патриотический муро конкурс эртен. Студент ден йоча-влак Сочи олашке экскурсий дене лектыныт, нуно Дендрарийыште, Красный Поляныште, аттракцион паркыште лийыныт.

Леонид Гимаев

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.