Тиде кечылаште «Ший памаш» муро фестиваль-конкурс эрта. Историйыш ончалына гын, ты фестиваль-конкурс икымше гана 1995 ийыште эртаралтын. Тылеч вара конкурсыш финн-угор эстраде мурызо-влакат ушненыт.
Регион-влак  кокласе эстраде муро фестиваль-конкурс кок ийлан ик гана эртаралтеш. Тений 25 солист ден 5 ансамбль ушненыт. Мурызо-влак Башкортостан, Татарстан, Коми, Удмуртий, Мордовий, Марий Эл да Хант-Манси автономный округ гыч улыт.
Теҥгече участник-влак финн-угор йылме дене шлягерым йоҥгалтареныт гын, таче у да калык мурым мурышаш улыт. Эрла, 21 ноябрьыште Ленин лӱмеш тӱвыра полатыште 15 шагатлан гала-концерт лиеш.
Тений шке вийыштым Роман Мусагитов, Анастасия Ахмадуллина, Анастасия Иванова, Вера Кондратьева, Сергей Пакеев, Мария Остапенко, Валентина Петрова, Полина Савельева, Аэлита-Алевтина Михайлова, Марина Кузнецова, Людмила Федорова, Станислав Устюгов, Наталия Глазырина, Аделина Батаева, Алена Яковлева, Алиса Халтурина, Агата Смирнова, Ирина Юшкина, Илья Якимов, Арина-Марина Воронцова, Виктория Швалева, Лада Петухова, Катерина Кензяли, Руслан Шум тергаш тӱҥалыт. Солист-влак деч посна тӱрлӧ кундем гыч ансамбль-влак толыт: Звенигово районысо « Юлас» дуэт, Волжский районысо «Локама» ансамбль ден «Сескем» трио, Килемар районысо «Май» ансамбль. Курыкмарий районым Владимир Саракеев ден Татьяна Жижченко дуэтышт чапландарат.
Муро фестиваль-конкурсым Калык да тӱвыра каныш паша шотышто республикысе шанче-методик рӱдер эртара.

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.