М.Шкетан лӱмеш Марий кугыжаныш драме театр 29 ноябрьыште шке 96 ияш лӱмгечыжым палемда. Театрын коллективше ты лӱмгечылан шке визиткыжым – «Салика» спектакльым ончаш темла.
Ушештарем, тений театрын коллективышкыже 14 самырык артист ушнен. Нуно Москосо Щепкин лӱмеш Кӱшыл театральный училищым тунем пытареныт.
«Салика» спектакльыште тӱҥ рольым самырык актер-шамычланат ӱшаныме. : Салика – арт. Марина Воронцова, Эчук- арт. Игорь Антропов, Чопай – арт. Андрей Яруков, Марина – арт. Светлана Александрова. Спектакльым скрипке ден баян сӧрастараш тӱҥалыт.
Каласен кодыман, икымше гана тиде спектакль 1938 ийыште шындалтын, а у сынан спектакль тений 8 октябрьыште ончыткалтын. Миен-шуктенда огыл, эше ик гана ужнеда гын, вашкыза!

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.