Таллин Марий ушем Эстонийыште илыше марий да марий тӱвырам йӧратыше эстон уна-влакым 4 декабрьыште 17 шагатлан Таллин оласе «Кино Артис» лӱман кинотеатрыш ӱжеш.
Тушто марий режиссёр Алексей Алексеевын «Угинде» лӱман киножым ончыкталтеш. Фильмыште Татарстан Республикысе Кукмара районышто илыше марий-влак да Угинде пайремым пайремлыме нерген ойлалтеш.  Тиде кином  Марий Элыште шушаш 2016 ийыште ончыкташ палемдыме.
Ушештарем, икымше гана тиде фильм 14 октябрьыште Эстонийысе Тарту олан тоштерыштыже ончыкталтын.

• Марий калыкын илышыжым киношко войза! Лудаш »
• Алексей Алексеев: «Шкетанын мландыштыже» фильмым ныл йылме дене ончен кертыда! Лудаш »
• «Кок сӱанат пеле» спектакль премийым налын! Лудаш »