Самырык режиссёр-влаклан пӧлеклалтше «Ремесло» лӱман Российысе театральный фестиваль угыч Озаҥ олаште, 7-13 декабьыште эрта. Фестивальын программыжым М.Шкетан лÿмеш Марий кугыжаныш драме театрын Д.Богославскийын пьесыж почеш шындыме «Айдеме йöратымаш» спектакльже сӧрастараш тӱҥалеш.
Марий театральный сымыктышым аклыше да йöратыше-влак тиде спектакльлан кÿкшÿ акым шынденыт.   Тений март тылзыште эртаралтше «Йошкар-Ола театральная-2015» фествальыште ончаш толшо-влакымат, жюри член-влакымат тиде спектакль чот куандарен да öрыктарен: «Эн сай режиссура» (режиссер А.Ямаев), «Эн сай сценографий» (художник С.Таныгин), «Эн сай сем» (композитор Г.Архипов), «Эн сай пöръеҥ роль» (артист А.Сандаков), «Эн сай ÿдырамаш роль» (артистка Л.Казанцева), «Эн сай кокымшо планан ӱдырамаш роль» (артистка  М.Медикова) номинацийлаште сеҥышыш лектын.
Озаҥ олаштат Шкетан театрын артистше –влак шке мастарлыкышт дене ончаш толшо калыкын кумылжым савыра манын, ӱшанен кодына.
«Айдеме йӧратымаш» спектакль 8-ше декабрьыште Камала театрын сценыштыже 19.00 шагатлан тӱҥалеш.

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.