Тений Россий МЧС «Туткарыш логалше-влаклан икымше полышым пуымаш» памяткым савыктен луктын.
Памяткыште сусыр гыч вӱр йогымо, чот кылмыме, кид-йол тугымо, тулеш йӱлымӧ да моло ситуаций годым кузе полшаш лийме нерген ойлалтеш. Текстым тӱрлӧ схеме ден сӱрет ешарат.
Республикыште пел калыкше марий йылме дене кутыра, сандене МЧС вуйлатыше-влак тиде брошюрым тӱп калыкын йылмышкыже кусараш шонен пыштеныт. Полышым МарГУ-н марий йылме да сылнымут кафедре деч йодыныт. Тысе шанчызе еш, филологий науко кандидат-влак Л.И. Барцева, Л.С. Матросова, З.К. Иванова, Г.Н. Бояринова, С.С. Сабитов да В.Н. Максимов текстым марлаҥденыт. МарГУ-н Ученый советыштыже Россий МЧС-ын Марий Элысе управленийжым вуйлатыше-влак толмач-влаклан тауштыман серышым кучыктеныт.

Леонид Гимаев

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.