Тиште кечылан пӧлеклалтше «Марла чын возена» кумшо чумыр диктант эртыш. Акцийыш 1775* еҥ ушнен, нунын коклаште студент, преподаватель, вузын пашаеҥже-влак, туныктышо, тунемше, методист-воспитатель, шанчыеҥ, тӱвыра аланыште, СМИ-ште, кугыжаныш ден муниципал службышто тыршыше да чыла кумылан еҥ-влак.
Мероприятий Марий Элыште илыше калыкым марий йылмылан утларак шӱмаҥдаш, у марий орфографийын правилже-влакым шыҥдарыме шонымаш дене эртаралтеш.Тыгай мероприятийым Марий кугыжаныш университетын Калыкле тӱвыра да тӱвыра кокласе коммуникаций институтшо, Марий Эл Республикын Тӱвыра, печать да калык-влакын пашашт шотышто министерствыже, Марий тӱвыра рӱдер эртареныт.

Марла диктант (4)

Марла диктант (3)

Марла диктант (2)


*Тыгай уверым Марий кугыжаныш университетын Калыкле тӱвыра да тӱвыра кокласе коммуникаций институтышто 11 декабрьыште 10 шагатлан пуэныт. Жап эртыме семын тиде чот кушкеш, вет диктантым Йошкар-Олаште гына огыл возеныт.

5 ВАШМУТ-ВЛАК

  1. Мый шонем, кызытсе жапыште МАРИЙ ЙЫЛМЫМ АРАЛЕН КОДАШ чыла йӧным кычалман. У мут конешне, пурышаш йылмышке. Тидын деч посна нигузе, но… ТЫГЕ ОГЫЛ, кузе орфографий пурен. Общественный обсуждений тӱрлӧ могырым лийшаш ыле, огыл мо? А кызыт южо газетым шергалат да южо мут-влакым йӧршын от умыло. Тугак газетым тӱчат. А вара подписке шагалеммылан ӧкынат…

  2. Кузерак вара у орфографий шотышто? Нелылык ыш шижалт? Мый гын тиде У орфографийлан чалеммешкат тунем ом шу чай…(((

    • У орфографий мутерым, оксам нигуш чыкашда, луктыныт, очыни. А молан тугеже чын возымыжым тӱкаленыт? Вот тиде йодыш нимучашдыме.

  3. Диктантшым пуйто икымше класслан возыктат, пеш чот (пӱй дене пурын пумо гай) диктоватлат.

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.