-2 C
Йошкар-Ола

«Усталык памаш. 25 ий «Ямде лий» газет дене пырля»

Эртыше кечылаште «Ямде лий» газетыште 25 ий тыршыше Фаина Лебедеван Калыкле-прикладной сымыктыш тоштерыште персональный ончерже почылтын.
Ончер сӱретчын «Ямде лий» газетыште 25 ий пашам ыштымыжлан да газетын 83 ияш лӱмгечыжлан пӧлеклалтын. Тыште газет да журнал-влак гыч сӱретым, книга-влак гыч иллюстрацийым, керамике гыч тӱрлӧ арверым, пушто сӱретлыме тӱрлӧ росписьым ужаш лиеш. 
Фаина Николаевна 1989 ий гыч йоча-влаклан лекше «Ямде лий» газетыште сӱретчылан тырша, «Кече» журнал дене пеҥгыде кылым куча, тыгак Марий книга савктышыште лектын шогышо ятыр книга ден учебник-влакым сӧрастара. Пытартыш ийлаште уста сӱретче Бауманский лицейыште, «Растем вместе» йоча студийыште «Изобразительный искусство» предметым вӱда, «Вдохновение» творческий студийыште мастер-класс-влакым эртара.
Палемдыман, ончер ик тылзе шуйна.

Тоштер Йошкар-Оласе Чернышевский уремын 23 пӧртыштыжӧ «Детский мир» кевыт шеҥгелне верланен.

Читайте также

ОСТАВЬТЕ ОТВЕТ

Пожалуйста, введите ваш комментарий!
пожалуйста, введите ваше имя здесь

Лимит времени истёк. Пожалуйста, перезагрузите CAPTCHA.

Увер йогын

Кызыт лудыт