-10 C
Йошкар-Ола

Озаҥыште турист-волонтер-влак погыненыт

Татарстаныште, «Волга» самырык-влак рӱдерыште, туризм шотышто студент-волонтер-влакын профильный сменышт эртен. Тушко кум ола – Озаҥ, Йошкар-Ола да Москва – гыч погыненыт. Тиде съездын тӱҥ цельже – турист-волонтер-влакын шке журналыштым ышташ, тыгак нуным туризм пашалан туныкташ. Погынышо-влалан Татарстаныште да пошкудо регионлаште тиде сомыл кузе вияҥ толмо нерген Туризм шотышто госкомитет вуйлатышыш алмаштышыже Лиана Саетова каласкален.  Спикер-влак: РФ Общественный Палатын членже Резеда Абдуллина, фотоблогер Александр Удиков, «Татарстан» журналын тӱҥ редакторжо Артем Тюрин да молат – оҥай тренинглам эртареныт. Нунын коклаште «Тӱнямбал туроперейтинг», «Ресторан бизнесым почмаш», «Оратор мастарлык». Тунеммаш деч посна кажне кастене тӱрлӧ мероприятий эртен. Тушто волонтер-влаклан мастарлыкым, креативностьым, творчествым ончыкташ сай йӧн лийын.
Сменым петырымашке да ончыкылык журнал проектын презентацийышкыже Туризм шотышто госкомитет вуйлатыше Сергей Иванов толын. Студент-волонтер-влак шке шонымашышкышт шуыныт – лишыл жапыште «VR» журнал лудшо деке миен шуэш.

Леонид Гимаев

Читайте также

ОСТАВЬТЕ ОТВЕТ

Пожалуйста, введите ваш комментарий!
пожалуйста, введите ваше имя здесь

Лимит времени истёк. Пожалуйста, перезагрузите CAPTCHA.

Увер йогын

Кызыт лудыт