2015 ий: Могай тудо лийын?

Идалык мучашкат лишемеш. Могай тудо лийын? Могай событий дене илышыштына тиде ий шарналт кодеш? Могай лӱмгечым пайремленна? Кӧм ме йомдаренна? «Кидшер» интернет-журнал эртыше идалыкын тӱрлӧ событийжым шарналта. Тений шочмо калыкнан эртыме корныштыжо икымше марий газет лекмылан 100 ий темын. Лӱмгечыжлан пӧлеклалтше тӱрлӧ сынан мероприятий, конкурс ден акций-влак идалык жапыште эртеныт. 100 ияш лӱмгечым «Марий Эл» газет  6 ноябрьыште М. Шкетан лӱмеш Марий кугыжаныш драме театрыште палемден. 

2010 ийыште «Кугарня» газет редакций марий калыкын тӱшкан илыме верлашке «Шийгорно» проект дене тарванен ыле. Ты сомыл лушкен огыл. Эртыше ийын Татарстан, Пошкырт да Урал кундемыште илыше марий-влак деке «Шуматкече» ансамбль, мурызо Виктория Тихонова, редакцийын пашаеҥышт Денис Очиев, Иван Речкин да Татьяна Пчёлкина миеныт. Мом оҥайым «Шийгорно» проектын еҥже-влак ужыныт? Кушто нуно лийыныт? Моло кундемлаште марий-влак кузе илат? «Шийгорнын» лектышыжым журналист Татьяна Пчёлкина палдарен шоген.

«Шийгорно» проект… Лудаш »

Шийгорно (6)

Тений М. Шкетан лӱмеш Марий кугыжаныш драме театрын усталык коллективышкыже Моско оласе М.С.Щепкин лӱмеш Кӱшыл театр училищым (институтым) тунем пытарыше самырык артист-влак ушненыт. Тачысе кечылан самырык артист-влак «Русский секрет», «Салика», «Кресӱдыр» спектакльлаште модыт, у спектакльланат ямдылалтыт. молодые актёры театра им. шкетана Пеледыш пайрем —  марий калыкын ик эн йӧратыме да вучымо пайремже. Ты пайрем пашам чаплын шуктышо калыкым саламла, марий айдемылан марий улмыжым шижаш, умылаш полша, иктеш ушнен. йылмым, муро, куштымаш поянлыкшым, сылне вургем ойыртемжым аралаш кумылаҥында. Моло калык дене пырля келшен илаш ӱжеш. Тений тиде сылне пайрем 20 июньышто «Йоҥгалт, чаплане, Пеледыш пайрем!» девиз дене эртен.

Пеледыш пайрем 26 июньышто Морко районысо Пумыр ялыште В. Колумбын 80 ияш лӱмгечыжлан пӧлеклалтше «Сылнымут аршаш шочмо Пумыр ялыштем» поэзий пайрем эртен. Тушто В. Колумбын бюстшым пайремлын почыныт. Бюстым ты ялыште шогалтыме шотышто инициативе дене Вячеслав Валентинович Александров тыршен. Марий Эл республикысе тӱвыра, печать да калык-влакын паша шотышто министерстве, Морко администраций да Волаксола ял шотан илем, верысе да кумылан еҥ-влак ушненыт шке — надырыштым пыштеныт.

Колумб лудмаш (1)

Андрей Яковлевич Эшпайым сем аланыште веле огыл, тыгак калыкыштат сайын палат. Кутло наре симфонийын да шуко мурын авторжо улеш. 15 майыште Андрей Яковлевичлан 90 ий темын, но чаманен каласаш логалеш, 8 ноябрьыште тудын шӱмжӧ вучыдымын кырымым чарнен. Андрей Эшпай

Тений республикыштына ятыр тӱшка увер йӧн-влак шке лӱмгечыштым палемденыт.  ВГТРК-н «Марий телевидений» филиалжылан 55 ий, Марий Эл Радиолан 10 ий, «У сем» журналлан 80 ий темын.

Марий Эл Радио 10 ияш лӱмгече

Россий кӱкшытан VII марий самырык тукым слётын эртен кайыш. Ты  гана слёт Провой кундемын Чакмарий селаштыже эрта. Слётыш ты гана Марий Элнан да Российын тӱрлӧ кундемже гыч чылаже 70 наре ӱдыр-рвезе толыныт ыле. Слётчик-влаклан молгунамсе семынак поян тӱвыра да каныме программе эртен.

VII Марий самырык тукым слёт - Кидшер (21)

Декабрь тӱҥалтышыште Сылнешке академийыште сӱрет да декоративный сымыктыш дене калыкле премийым налше-влакым палемденыт. «Портрет» номинацийыште сӱретче Иван Ямбердовым саламленыт. Каласен кодыман, Иван Михайловичын усталыкшым республикыште веле огыл, Москошто, Финляндийыште, Эстонийыште палат.

Иван Ямбердов

Чаманен каласаш логалеш, мемнан пагалыме, лишыл, ӱшанле еҥ-влак ош тӱня дене чеверласен каеныт…

Гавриил Таныгин, Андрей Эшпай, Юрий Русанов, Валерий Очеев.

Кидшер
Шонымашым ешараш