Вячеслав Абукаев лӱмеш сылнымут конкурсым иктешлыме

Сылнымут корным ойырен налше самырык автор-влаклан «Ший памаш» фонд идалык тӱҥалтышыште конкурсым увертарен ыле. Жюри 2015 ийысе конкурсыш пурышо паша-влакым ончен лектын да сеҥыше-влакым палемден.
Эн сай теле да радио-журналист паша номинацийыште «Ший памаш» фондын дипломжо да  «Канде толкын» премий дене ВГТРК-н «Марий Эл» ГТРК филиалжын радиовещаний службын корреспондентше Татьяна Хлобыстова ден Алёна Иванова палемдалтыныт. Поэзий номинацийыште Надежда Васильева ден Ирина Закиева (Курочкина) ойыртемалтыныт. Нунат диплом да «Кинде-шинчал» премий дене палемдалтыныт.Эн сай прозо номинацийыште  Надежда Годунова ден Светлана Бессонова лектыныт. Нунылан «Ошкеча» премийым кучыктеныт. Эн сай журналист пашалан «Марий Эл» газетын пашаеҥже Алевтина Байкова ден «Кугарня» газетын пашаеҥже Денис Очиев «Виш чон» премийым налыныт.
«Шушаш ийын ты конкурсышкына блогер-влакат ушнен кертыт. 2016 ийыште эн сай блогер-влакымат палемдаш тӱҥалына», — палемден фондым вуйлатыше Василий Краснов.

М. Скоболевын фотожо.

Кидшер
Шонымашым ешараш