Идалыкым иктешлен, у пашаш ушнат

Тиде ийын мер толкынын самырык активистше-влак икымше вашлиймашыш погыненыт. Вашлиймаш, поро йӱла почеш, Марий Эл Республикысе тӱвыра, печать да калык-влакын пашашт шотышто министерствын конференций-залыштыже эртен. Тышке тӱрлӧ мер ушем гыч витле наре самырык еҥ толын.
Вашлийше-влак эртыше идалыкым иктешленыт да 2016 ийыште мер ушем-влакын паша радамыштым палемденыт. 
Сылнымут идалыкыште кыртмен пашам ыштымылан, сай лектышыш шумышлан ятыр самырык ӱдыр-рвезе-влаклан Марий Эл Республикысе тӱвыра, печать да калык-влакын пашашт шотышто министр Михаил Зиновьевич Васютин таумут-влакым кучыктен.

Кидшер
Шонымашым ешараш