М. Шкетан лӱмеш Марий кугыжаныш драме театрыште тыршыше Марина Почтеневам Марий Элыште сайын палат, йӧратат да тудын модмо спектакльлашкыже уло кумылын коштыт.
Пургыж тылзын 5 кечынже Марина Почтенева пагалыме ончышыжым шке бенефис-концертыш ӱжеш.
Марина Курыкмарий районышто Шындыръял ден Виловат школлам тунем пытарен. Варажым, 1999 ийыште Йошкар-Оласе Тӱвыра да сымыктыш колледжын театрал пӧлкажым тунем лектын. Тений артисткын Санкт-Петербург оласе Кугыжаныш театральный академийым тунем лекмыжлан лу ий темын. Марина М. Шкетан лӱмеш Марий кугыжаныш драме театрыште латкуд ий пашам ышта. 
Усталык касым театрын артистше ден эстраде шӱдыр-влак сӧрастараш тӱҥалыт: РФ сулло артистше-влак – О. Кузьминых, И. Смирнов; Марий Элын калык артисткыже С. Строганова; Марий Элын сулло артистше-влак – Е. Сергеев, С. Данилов, А. Егошина. Артист-влак: Э. Яковлев, П. Ефимов, Л. Казанцева, А. Тетерин, М. Огнев, А. Юнусов да молат.
Марий Элын калык артистше – В. Ромашкин, РФ тӱвыран сулло пашаеҥже – С. Речкин; Марий Эл тӱвыран сулло пашаеҥже – А. Речкина, Н. Смирнов; Марий Элын сулло артисткыже – М. Сильвестрова; Марий Элын пытартыш президентше – В. М. Зотин.
Тыгак Е.Никитина, А. Речкин, А. Веткин, Л. Кучера, И Капустина, Р. Гарифуллин, А. Ефремов, Н. Тимофеева, З. Демчук, Е. Мочалова мурызо ден «Марий Эл» да «Пеледыш» ансамбль-влак.
Концертыште тӱрлӧ спектакль гыч сценке, мурымаш, куштымаш да сылнымут произведений-влак йоҥгаш тӱҥалыт.
Шергакан таҥ-влак! Вашкыза Шкетан театрыште эртаралтше усталык касыш!

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.