Элыштына патриотизм шӱлышым вияҥдыме шотышто моткоч оҥай проект шыҥдаралтеш.
«Президентын 85 йолташыже» – тиде тӱрлӧ шӧрыныштӧ шке пашаштым виктарыше самырык-влакын ушемыштым ушышо Россий кумдыкышто эртыше акций. Тушко ушнаш шке кундем нерген видеоматериалым да кид дене ургымо да сӧрастарыме куэмым ямдылыман ыле. Тыге элнан картыже чумырген.
Марий Элым ты акцийыште «ВийАр» тӱвыра да келшымаш кыл ушем ончыкта. Ушемын еҥже-влак шочмо кундемна нерген видеоклипым да Марий Элын картшым ямдыленыт.
Ты проектым Тюмень оласе «Молодежная атмосфера» лӱман самырык-влакын ушемышт ямдылен. Тӱрлӧ кундем гыч пурышо ужаш-влакым ик кугу Россий картыш ушат. Тидыже тӱрлӧ самырык толкынын ик вийыш ушнымышт, икоян улмыштым ончыкта.
Тиде шочмо элым йӧратыме кумылым ончыктышо акцийыш уло Россий ушна.
