Марий кугыжаныш университетыште поро йӱлаш пурышо марий йылме да литератур арня эрташ тӱҥалеш. Тений ты арня кино идалыклан пӧлеклалтеш.
Арня жапыште, организатор-влак сылнымут лудмашым, «Марий йӱла чоныштем йӱла» видео сӱрет конкурсым, Олег Иркабаев ден Людмила Фёдорова дене вашлиймашым эртарат, «Салика» кином ончыктат.
Конкурс-влакын иктешлымашыштым 19 пургыжышто эрта. Ушештарем, кодшо ийын тыгаяк арня Валентин Колумблан пӧлеклалтын.
