Эртыше шуматкечын, Марий кугыжаныш университет республикыште марий йылме да литератур, марий йылме (кугыжаныш йылме), татар йылме да литератур да ИКН дене ий еда эртаралтше олимпиадын участникше-влакым вашлие.
Олимпиаде кышкарыште МарКУ-со калыкле тӱвыра да тӱвыра кокласе коммуникаций институтын йылме технологий шотышто шанче-туныктымо «Марий йылме» рӱдерже туныктышо-влаклан «Тунемше-влакын творчествыштым вияҥдыме корно» методический семинарым эртарен.
Погынышо-влак, тӱрлӧ класслаште тунемше-влаклан у туныктымо программе-влак дене да туныктышо-влаклан почмо угычтуныктымаш (переподготовка) курс, марий литератур дене тӱҥ школлан примерный программыште тунемше-влакын творчествыштым вияҥдыме сомыл, марий йылмым да литературым туныктымаште у йӧным, электрон учебникым кучылтмын лектыш нерген мутланеныт.
Лишыл жапыште йылме технологий шотышто шанче-туныктымо «Марий йылме» рӱдер университет пелен тунемше-влаклан усталык семинарым эртараш палемден.
