Шошо пагытын ик эн сылне пайремже — 8 март. Тиде кечым чыланат чон вургыж вучат. Пöръеҥ, рвезе-влак ик семын тургыжланат гын, ÿдыр, ÿдырамаш-влакын чонышт вес семын вургыжеш.
М. Шкетан лӱмеш Марий кугыжаныш драме театр чылаштымат тиде кечын шке полатышкыже куанен ÿжеш. 8 мартыште театрын сценыштыже пайремлан пöлеклалтше «Мужыран шÿдыр» кугу пайрем концерт лиеш.
Программыште вучымо да вучыдымо дуэтыш чумыргышо мурызо-влак, эн сылне да эн ныжыл муро-влакым тыланда пöлеклат. Тыгак программым у муро, мыскара, куштымаш-влак сылнештарат. Лишыл да йöратыме еҥланда сылне пöлекым ыштыза — театрыш ÿжса. Пайрем концерт 15.00 тÿҥалеш.

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.