М. Шкетан лӱмеш Марий кугыжаныш драме театр 28 апрельыште  калыклан «Йӧратымаш да кöгöрчен-влак» у спектакльым аклаш темла.
31 ий ончыч – 1985 ийыште Владимир Гуркинын пьесыж почеш кинорежиссёр Владимир Меньшов «Любовь и голуби» кином шочыктен. Спектакльыште персонаж-влак киносо семын чыла нунак улыт. Тыгак, икмыняр сценкым ешарен пуртымо. Театрын чумыр коллективше модеш. Спектаклыьм кок состав дене шындат.
У спектакльым театрын тӱҥ режиссёржо Роман Алексеев ямдылен. Марий йылмыш пьесым  поэт-прозаик Геннадий Сабанцев кусарен. Музыкым композитор Григорий Архипов келыштарен. Сергей Таныгин – тӱҥ художник-оформитель.
Тиде спектакль дене театр шке 86 тургымжым мучашла. Спектакль 18 шагатлан тӱҥалеш.







Тыгак лудса: М.Шкетан лӱмеш Марий кугыжаныш драме театр ӱжеш >>

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.