Республикыштына ятыр самодеятельный ансамбль-влак уло. Тӱҥ шотышто ансамбльыш кугурак да илалшырак еҥ-влакым чумырат. Палемден кодыман, Марий кугыжаныш университет пелен «Марий мурсем» студент ансамбль пашам ышта. Лач тидыже ансамбльын ик эн тӱҥ ойыртемже. «Марий мурсемыш» утларак Калыкле тӱвыра да тӱвыра кокласе кыл институтысо студент-влак коштыт.
8 март пайрем вашеш «Марий мурсем» ансамбль Параньга районысо Ирмучаш да Олор яллаште  шке мастарлыкыштым ончыктеныт.

Концерт программыште муро да куштымаш деч посна, Надежда Имаева шке возымо почеламутшым сылнын лудын пуыш. Алена Таныгина ден Полина Савельева палыме муро-влакым сылнын йоҥгалтарышт. Ончаш толшо ял калыклан концерт пеш келшен.
Палемден кодыман, лишыл жапыште ансамбль Ленин лӱмеш тӱвыра полатыште 8 март пайремлан калыкым куандарат.

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.