18 C
Йошкар-Ола

Ирина Закиева: «Йомакым илышыш пуртем»

«Мый мурым возынем! Пиал нерген!» – возен самырык поэтесса, Йошкар-Оласе 7-ше номеран кыдалаш школын марий йылмым туныктышыжо Ирина Закиева (шукынжо тудым Ирина Курочкина семын палат) шке почеламутыштыжо. Эртыше кугарнян, 11 мартыште Марий Турек районысо «Ӱжара» тӱвыра полатыште Ирина Закиева «Йомакым илышыш пуртем» усталык касым эртарен. 
Усталык кас самырык поэтессан лӱмгечыжлан да марий мурсем аланыште 10 ий улмыжлан пӧлеклалтын. Иринам йӧратен, пагален да тудын усталыкшым аклен шуко еҥ погынен. Эсогыл, залыште ик верат шинчаш кодын огыл ыле. Сылне муро, шокшо кидсовыш, порылык «Ӱжара» тӱвыра полатыште озаланеныт да шошо кумылым пӧлекленыт.

Тиде кечын Ирина Закиевам шуко еҥ саламлаш вашкеныт. Сценыште Иринан возымо почеламутшо, почеламутшылан келыштарыме муро-влак йоҥгеныт. Тыгак республикнан палыме да пагалыме еҥже-влак ятыр сай саламлымашым ойленыт.

Анатолий Ишалинын фотожо-влак.

Тыгак лудса

ОСТАВЬТЕ ОТВЕТ

Пожалуйста, введите ваш комментарий!
пожалуйста, введите ваше имя здесь

Лимит времени истёк. Пожалуйста, перезагрузите CAPTCHA.

spot_img

Увер йогын

Кызыт лудыт