М.Шкетан лӱмеш Марий кугыжаныш драме театрын артисткыже Светлана Филипова 10 апрельыште А.Волковын пьесыж полчеш шындыме «Оръеҥ мелна» спектакль дене шке усталык касшым — бенефисым эртараш тÿҥалеш.
Тиде спектакльыште тудо ик эн чолга — Глафиран рольыштыжо — шке мастарлыкше дене калыкым куандара. 
Светлана Филиппова Республикысе тӱвыра да сымыктыш колледжын театральный отделенийжым тунем пытарымеке, М.Шкетан лӱмеш Марий кугыжаныш драме театрыш пашаш куснен. 2001-2005 ийлаште, театрыште тыршыме дене пырля, Санкт-Петербургысо Театральный искусство академийым тунем пытара. Тачысе кечылан артисткын репертуарже поснак характерный роль-влак дене поян: Глафира («Оръеҥ мелна» комедий), Найош («Тÿрлемÿдыр» комедий), Надя («Йöратымаш да кöгöрчен-влак» оҥай томаша), Сара («Шанель Тарля» комедий), Йыван вате («Сöсна поминка» комедий) .
Пайрем кас 15.00 тÿҥалеш.

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.