М.Шкетан лӱмеш Марий кугыжаныш драме театр 24 апрельыште «Валентин Колумб: «Толза муро памашем воктек!» сылнымут-сылнысем касыш ӱжеш.
Касыште Валентин Колумбын почеламутшым возымо, тыгак С.Есенинын почеламутшо-влакым кусарыме муро-влак йоҥгаш тÿҥалыт (икмыняржылан театрын самырык артистше-влак шке семым келыштареныт), тыгак басне-влак гоч сценкым модын ончыктат.
Проектын авторжо театрын артисткыже Маргарита Медикова.
«Валентин Колумбын сылнымутшым пеш чот йöратем. Сандене изирак сценарийым ышташ шонен пыштышым, В.Колумбын илыш-корныжо, творчествыж дене палдараш. Самырык артист влак толмек, тиде шонымашым шукташ шонен пыштышым.», — каласкала артистке.
