Калыкна марла мутлана гын, йылмына аралалт кодеш. Марий йылмынам арален кодаш да вияҥден колташ манын, «Мый марла ойлем» акций ынде шымше гана эртыш.

Организатор-влак «Мый марла ойлем!» акцийын палыже-влакым – значокым, марий мут-влак дене буклетым да «Тыште марла мутланаш лиеш» наклейкым толшо-влаклан кучыктеныт, акций нерген каласкаленыт.

«Мый марла ойлем» акций ик тылзе шуйна. Самырык тукым кевытлашке, тунемме верлашке лектын коштыт, «Тыште марла мутланаш лиеш» наклейкым шаркалаш тӱҥалыт.

Тений «Мый марла ойлем» акцийыш Одо ансамбль сценыш лектын шке калык мурыжым йоҥгалтарен. Киргиз ÿдыр Жамиля Сартбаева «Олма чевер» мурым марий йылме дене мурен, а Аня Архипова чуваш почеламутым марла лудын.

Акций годым пеш шуко модыш, куштымаш эртышт, марий муро йоҥгалте. Мероприятийым мурызо-влак Светлана Яндукова, Алина Макарова, Полина Савельева, «Волгыдо», «Чон оҥгыр» да «Юкече» ансамбль-влак сӧрастареныт.

Акцийым Марий Элысе тӱвыра, печать да калык-влакын пашашт шотышто министерстве, Марий тӱвыра рӱдер эртареныт.

Каласен кодыман, «Мый марла ойлем» акций ынде итернетыштат уло, теат ушныза! «Кидшер» интернет-журнал тиде акцийым кумдаҥдаш шонен, тиде акцийым интернетыштат эртара. Тыгай йӧн дене ош тӱняште илыше кеч могай еҥ тиде акцийыш ушнен кертеш.

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.