М.Шкетан лӱмеш Марий дреаме театрын коллективше эртыше арняште «Йӧратымаш да кӧгӧрчен-влак» комедий дене 96-шо тургымым мучашлен.
Тушто молгунамсе семынак саламлыше-влак лийыныт да пашаште ойыртемалтше-влакым пӧлек да окса премий дене палемденыт.
Республикысе VII гана эн сай пьесылан увертарыме черетан конкурс иктешлалтын. Тыге, I-ше вер дене «Ир мӱкшигын мурыжо» (Кума да кока) Зинаида Долгова палемдалтын. II-шо вер «Торешвате уремыште томаша» (Борода) Мария Илибаевалан сеҥышыш лектын. III-шо вер дене «Микулан – презе, Якулан – ӱдыр» (А.Арзайн) Александр Зайнутдинов палемдалтын. Кумылаҥдыме приз «Йӧратыме сем» Устин Йыванлан пуалтын. Автор кызытсе жаплан шкеж нерген палдарен огыл.
Тидын годымак, театр дене пырля сай лектышан пашалан СМИ-влакымат палемденыт. Нунын радамыште мемнан «Кидшер» («На пульсе») интернет-журналымат палемденыт.

«М.Шкетан лӱмеш Марий дреаме театр дене кылна лач тиде тургым гыч сайынак пеҥгыдемын, но вет пырля пашам ыштыме жапше огыл тӱҥ, а кузе пашам ыштен шогет. Кызыт сайтыштына театрын самырык актёржо-влак дене циклым лудаш темлена. Ӱшанен кодына, театр дене келшымашна умбакыжат саяк лиеш», – каласен «Кидшер» («На пульсе») интернет-журналын тӱҥ редакторжо Николай Любимов.
Каласен кодыман, театр сымыктышыш кугу надырым пыштымылан Марина Почтеневалан «Марий Элын суллот артисткыже» лӱмым пуэныт.

Театрын тургымжо мучашлалтын гынат, кеҥежым ятыр спектакль эрташ тӱҥалеш. 19 майыште да 17 июньшыто «Кожла кокласе омо» комедий, 9 июньышто «Йӧратымаш да кӧгӧрчен-влак» кок ужашан оҥай томаша, 6 августышто «Оръеҥ мелна», а 11 августышто «Роза-Розмарий» комедий лийыт.

Николай Хоггарт

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.