Марий Эл тӱвыран сулло пашаеҥже, Олык Ипай лÿмеш премийын лауреатше, тале журналист, поэт, мер пашаеҥ Юрий Русановлан пöлеклалтше «Мыйын таче шочмо кече…» шарныме кас 15 майыште лиеш.
Юрий Петрович Шкетан театрым 2007-2015 ийлаште вуйлатен шоген. Пеҥгыде койышыж дене, театрысе пашаеҥ, артист-влак дене келшен ик ой дене пашам вораҥдарен моштымыж дене, кажныжым пагален, йöратен, умылен, чын аклен, кажныж верч тургыжланен моштымыж дене ойыртемалтын. 
Касыште марий театр-влакын артистше, эстрадын шÿдыржö-влак Юрий Русановын йöратыме муро, почеламут корнылаже-влакым йоҥгалтараш тÿҥалыт.
Концерт окса Юрий Русановлан чапкӱм шогалташ кая.
Шарнымаш кас 15.00 тÿҥалеш.

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.